1. verðlaun í lokaðri samkeppni í Noregi
24.06.2010
Batteríið arkitektar og Landslag í samstarfi við Arkitektgruppen Cubus unnu lokaða samkeppni um Flerbrukshall í Rong í Öygarden kommune í skerjagarðinum fyrir utan Bergen. Aðrir þátttakendur voru dönsk og 2 norskar teiknistofur og voru stofurnar valdar úr hópi 38 umsækjenda. Samkeppnistillagan var unnin af íslensku aðilum hópsins.
Vinningstillagan ber nafnið „Livet mellom sprekkene“. Um er að ræða 4000 m² byggingu fyrir íþrótta- og menningarstarfsemi staðsett í sérstöku klettalandslagi skerjagarðsins. Byggingunni tilheyrir stór lóð, aðkomutorg, bílastæði, útsýnisstígar og -pallar.
Nýlega vann tillaga Batteríisins að fjölbýlishúsi í Sandnes kommune fyrir verktakafyrirtækið Kruse Smith í alútboðskeppni. Landslag er lóðarhönnuður.
Það má því segja að með þessum góða árangri í Noregi opnist austurvegur.
Fleiri myndir og teikningar af samkeppnistillögu á PDF formi (9.3 MB)
Meira um tillögurnar síðar.
Frétt af mbl.is: [hér]
Reynir Vilhjálmsson sæmdur riddarakrossi hinnar íslensku fálkaorðu
17.06.2010
Reynir Vilhjálmsson landslagsarkitekt og stofnandi Landslags var í dag sæmdur riddarakrossi hinnar íslensku fálkaorðu af forseta Íslands, Ólafi Ragnari Grímssyni. Heiðursmerkið fær Reynir fyrir frumherjastörf við skipulag og mótun umhverfis.
Landslag ehf byggir á samfelldum tæplega hálfrar aldar teiknistofurekstri Reynis frá því hann hóf störf hér á landi vorið 1963.
Starfsfólk Landslags óskar Reyni hjartanlega til hamingju með þá miklu viðurkenningu sem honum, fyrirtæki hans og starfssviði landslagsarkitekta í heild sinni er sýnd.
Frétt af heimasíðu forsetaembættisins [hér]
Landslag á New Nordic Landscapes sýninguna á EXPO 2010 í Shanghai
03.06.2010
Dagný Bjarnadóttir hjá Landslagi er hönnuður sýningarinnar í heild sinni og á dögunum kom í ljós að verkefni frá Landslagi, jarðvarmavirkjun á Hellisheiði varð fyrir valinu sem framlag Íslands á sýninguna, en Finnur Kristinsson hefur haft veg og vanda að því verkefni fyrir hönd Landslags. Nánari upplýsingar í fréttatilkynningu.
Þess má einnig geta að Hafdís Bjarnadóttir hannar hljóðverk fyrir öll löndin í sýningunni, en með hverju verki verður útfærð sérstök hljóðupplifun.
Hafdís og Dagný í viðtali á Rás 2 – hlustið á upptöku…
Landslag at the New Nordic Landscapes Exhibition, EXPO 2010, Shanghai
Dagný Bjarnadóttir, co-owner of Landslag ehf., is the designer of the New Nordic Landscapes exhibition at this year’s EXPO in Shanghai. In the exhibition Iceland is represented with the Hellisheiði Geothermal Powerplant, a project also designed by Landslag ehf. in collaboration with TARK Architects.
Hafdís Bjarnadóttir has created a sound installation relating to each of the 6 countries‘ projects.
More information:
New Nordic Landscapes Information Brochure
Exhibition Concept
Hönnunarmars – FÍLAr þú miðbæinn?
15.03.2010
Sjá einnig Ísland í dag á Stöð 2 og í fréttum Sjónvarpsins
Jólakveðja Landslags 2009
18.12.2009
Smellið á næst ysta takka frá hægri til að sjá myndina í fullri stærð.
Ef myndbandið opnast ekki, sækið þá skránna hér… (4.5mb)
Tónlist: Hafdís Bjarnadóttir
Harmonikka og gítar: Erica Roozendaal og Hafdís Bjarnadóttir
Fugl: Dulþröstur
Gulur rauður grænn og blár
27.05.2009
Stærra kort hér…
Friðlýsing fimm svæða í Hafnarfirði
03.04.2009
Föstudaginn 3. apríl skrifuðu bæjarstjóri, Lúðvík Geirsson og umhverfisráðherra, Kolbrún Halldórsdóttir undir yfirlýsingu og auglýsingu um friðlýsingu fimm svæða í landi Hafnarfjarðarbæjar.
Svæðin eru þar með friðlýst samkvæmt 53. og 55. grein laga um náttúruvernd nr. 44/1999.
Svæðin eru;
1. Hvaleyrarlón og fjörur Hvaleyrar verði friðlýstar sem fólkvangur.
2. Hleinar að Langeyrarmölum verði friðlýstar sem fólkvangur.
3. Stekkjarhraun verði friðlýst sem fólkvangur.
4. Kaldárhraun og Gjárnar verði friðlýstar sem náttúruvætti.
5. Litluborgir verði friðlýstar sem náttúruvætti.
Undirskriftin fór fram á Hleinum að Langeyrarmölum.
Landslag ehf var ráðgjafi við afmörkun svæðanna, umfjöllun um þau í nefndum og ráðum sveitarfélagsins og við gerð uppdrátta fyrir hvert og eitt þessara svæða.
Frétt og nánari umfjöllun á heimasíðu Umhverfisráðuneytisins [hér]
Frétt á heimasíðu Hafnarfjarðarbæjar [hér]
150. hönnunarfundur Hellisheiðarvirkjunar
05.03.2009
Landslag er aðili að ráðgjafahópi Orkuveitu Reykjavíkur við hönnun virkjana á Hengilssvæðinu.
19. febrúar síðastliðinn var haldinn 150. Hönnunarfundurinn og var meðfylgjandi mynd tekin við það tækifæri.
Í hönnunarhópnum eru auk Landslags, sem sér um skipulagsmál og frágang á virkjanasvæðinu eru: Mannvit, Verkís og Tark arkitektar. Ráðgjafafyrirtækin hafa unnið saman við hönnun virkjana fyrir Orkuveituna frá 1996 þegar formleg hönnun Nesjavallavirkjunar fór af stað.
Á myndinni eru sitjandi talið frá vinstri:
Helgi Leifsson – OR
Claus Ballzus – Mannvit
Ingólfur Hrólfsson – OR
Sigurgeir Björn Geirsson – OR
Standandi talið frá vinstri:
Finnur Kristinsson – Landslag
Elín Hallgrímsdóttir – Mannvit
Jóhann Garðar Einarsson – Mannvit
Sigurður Guðjónsson – Verkís
Snæbjörn Jónsson – Verkís
Ivon S. Cilia – Tark
Jóhann Þór Magnússon – Mannvit
Tillaga að grænum stíg í græna treflinum
04.02.2009
Landslag ehf vinnur að tillögu að grænum stíg í græna treflinum í upplandi höfuðborgarsvæðisins.
Verkefnið er unnið fyrir Skógræktarfélag Íslands í samstarfi við sveitarfélögin á svæðinu. Skógræktarfélag Íslands hefur lagt drög að atvinnuátaksverkefni við uppbyggingu útivistaraðstöðu í “græna treflinum” og kynnt það m.a. fyrir stjórn SSH (samtök sveitarfélaga á höfuðborgarsvæðinu).
Nálgast má kynningu á verkefninu hér…
Landslag leggur land undir fót
24.11.2008
Starfsmenn Landslags fóru í fræðslu- og skemmtiferð til Bilbao á norður Spáni þann 16. -20. október s.l. og gerðu víðreist um héruð Baska.
Bilbao er lítil og stórskemmtileg borg sem hefur gengið í gegnum mikið breytingarskeið og endurnýjun á stuttum tíma. Í borginni búa um 350 þúsund manns og hún situr í þröngu dalverpi við norðurströnd Spánar, umkringd fjöllum meðfram Nervión ánni.
Helsta aðdráttaraflið í ferðinni var Guggenheim safnið og fjöldinn allur af vel heppnuðum almenningstorgum og opnum grænum svæðum við ánna sem liðast í gegnum borgina. Umhverfisvænar samgöngur eru í hávegum hafðar með samfelldu stígakerfi, metró og hljóðlátum sporvögnum sem liðu eftir grasigrónu belti á árbakkanum. Maturinn var heldur ekki af verri endanum, Pintxos, Baccalao og ljúffengar nautasteikur og skammt í gott matarvín með Rioja vínhéruðin rétt handan við hæðina.
Skoðaðu myndirnar úr myndasamkeppninni [hér]
Svartiportfoss, Menningarnótt 2008
21.08.2008
Í miðbæ Reykjavíkur leynast falleg afdrep á milli húsa. Getur verið að einhvers staðar sé falið landslag? Menningarnæturgestum gefst nú kostur á að finna falinn fjársjóð í portinu milli Laugavegs 18 og 20 (beint á móti Sirkustorginu). Þar verður eitt þessara leyndarmála afhjúpað með vígslu tímabundins torgs kl. 13:00, en af því tilefni flytur dúettinn Sandís tónlistargjörning með tónlist eftir Hafdísi Bjarnadóttur. Sandísi skipa þær Sandra Ósk Snæbjörnsdóttir á selló og Hafdís Bjarnadóttir á rafgítar.
Hönnuður torgsins er Dagný Bjarnadóttir landslagsarkitekt – Landslagi ehf. Fjölbreitt dagskrá verður á torginu, sem nefnist Svartiportfoss, fram eftir degi.
Að verkinu koma veitingastaðurinn Café Oliver, Landslag ehf og Torf.is, ásamt vinnuframlagi frá borginni.
Urriðaholtsskipulag fær viðurkenningu
01.12.2007
Skipulag Urriðaholts í Garðabæ hlaut 2. sætið í lokaúrslitum alþjóðlegu lífsgæðaverðlaunanna, LivCom, sem afhent voru í London í nóvember 2007.
Skoðið verkið